Tue the 30th: Memorial of Jerome, priest and doctor.
Job 3:1-23; Ps 88:1-8; Mark 10:45; Luke 9:51-56
ယောဘဝတ္တု အခန်းကြီး ၃(Job 3:1-23);
၁ ထိုနောက်၊ ယောဘသည် နှုတ်ကိုဖွင့်၍ မိမိဘွားသောနေ့ရက်ကို ကျိန်ဆဲလျက် မြွက်ဆိုသည်ကား၊
၂-၃ ငါဘွားသောနေ့ရက်ပျက်စီးပါစေ၊၊ သားယောက်ျားကို ပဋိသန္ဓြေွယူပြီဟု သိတင်းကြားပြောသော ညဥ့်လည်း ပျက်စီးပါစေ၊၊
၎ ထိုနေ့ရက်မိုက်ပါစေ၊၊ ဘုရားသခင်သည် မျက်နှာပြုတော်မမူပါစေနှင့်၊၊ အလင်းမပေါ်ထွန်း ပါစေနှင့်၊
၅ မှောင်မိုက်၊ သေမင်းအရိပ်သည် ထိုနေ့ရက်အသရေကို ရှုတ်ချပါစေ၊၊ မိုဃ်းတိမ်ထပ် လွှမ်းမိုးပါစေ၊၊ မွန်းတည့်အရှိန်ဖြင့် ကြောက် မက်ဘွယ်ဖြစ်ပါစေ၊၊
၆ ထိုညဥ့်သည် မှောက်မိုက်၌ ပျောက်ပါစေ၊၊ နှစ်စဉ်နေ့ရက် တို့နှင့် မပေါင်းပါစေနှင့်၊
၇ လအရေအတွက် ၌ မဝင်ပါစေနှင့်၊၊ ထိုညဥ့်သည် ဆိတ်ညံပါစေ ရွှင်လန်းသော အသံမရှိပါစေနှင့်၊၊
၈ နေ့ရက်ကိုရွေး၍ ကျိန်ဆဲတတ်သောသူ၊ မိကျောင်းကိုထစေတတ်သောသူတို့သည် ထိုညဥ့်ကို ကျိန်ဆဲပါစေ၊၊
၉ ညဦးယံကြယ်တို့သည် မိုက်ပါစေ၊၊ ထိုညဥ့်သည်အလင်းကို တောင့်တ၍ မရပါစေနှင့်၊၊ နံနက်မိုဃ်းလင်းကို မမြင်ပါစေနှင့်၊၊ အကြောင်းမူကား
၁၀ ငါ့အမိ၏ဝမ်းကို ပိတ်မထား၊ ဒုက္ခဆင်းရဲကို ငါမမြင်စေခြင်းငှါ မကွယ်မကာ၊၊
၁၁ ငါသည်မွေးစက အဘယ်ကြောင့် မသေသနည်း၊၊ အမိဝမ်းထဲမှ ထွက်စက အဘယ်ကြောင့် အသက်မချုပ် သနည်း၊၊
၁၂ ငါ့ကို အဘယ်ကြောင့် ပိုက်ပွေ့ရသနည်း၊၊ အဘယ်ကြောင့် နို့တိုက်ရသနည်း၊၊
၁၃ ထိုသို့မပြုလျှင် ငါသည် အိပ်၍ငြိမ်းပြီ၊၊ ပျော်လျက်နေရပြီ၊၊
၁၆ သို့မဟုတ် အချိန်နေ့လ မစေ့မှီ မွေးသောသူငယ်၊ အလင်းကို မမြင်ရသော သူငယ်ကဲ့သို့ ငါပျက်စီးရပြီ၊၊
၁၄-၁၅ မြို့ပျက်တို့ကို ပြင်ဆင်ပြုစုသော ယောကီရှင်ဘုရင်၊ မှူးမတ်တို့နှင့်င်း၊ ရွှေကို ရတတ်၍ ဘဏ္ဍာတိုက်၌ ငွေကို အပြည့်သိုထားသော မင်းတို့နှင့်င်း ငါငြိမ်းရပြီ၊၊
၁၇ ထိုအရပ်၌လူဆိုးတို့သည် နောက်တဖန် မနှောင့်ရှက်ရ၊၊ ပင်ပန်းသောသူတို့ သည် ချမ်းသာရကြ၏၊၊
၁၈ အချုပ်ခံရသော သူတို့သည်လည်း အတူငြိမ်ဝပ်ရကြ၏။ ညှဉ်းဆဲသောသူ၏စကား သံကို မကြားရကြ၊၊
၁၉ ထိုအရပ်၌ ကြီးသောသူနှင့်ငယ်သောသူရှိကြ၏၊၊ ကျွန်သည်လည်း သခင်လက်နှင့် လွတ်ရ၏၊၊
၂၀ ဒုက္ခဆင်းရဲခံရသော သူအားအဘယ်ကြောင့် အလင်းကိုပေးသနည်း၊၊ စိတ်နှလုံးခါးသောသူအား အဘယ် ကြောင့် အသက်ကို ပေးသနည်း၊၊
၂၁ သူတို့သည် သေခြင်းကိုတောင့်တ၍ မရနိုင်၊၊ ဝှက်ထားသော ဥစ္စာကိုဘော်ခြင်းငှါ၊ တူးသည်ထက် သေခြင်းအကြောင်းကို ဘော်ခြင်းငှါသာ၍ တူးကြ၏၊၊
၂၂ သူတို့သည် သင်္ချိုင်းတွင်းကို တွေ့သောအခါ အလွန်ဝမ်းမြောက်၍ အထူးသဖြင့် ရွှင်လန်းကြ၏၊၊
၂၃ မိမိသွားသောလမ်း ကွယ်ပျောက်သောသူ၊ ဘုရားသခင်ဆီးကာ ချုပ်ထားသောသူအား အလင်းနှင့် အသက်ကို အဘယ်ကြောင့် ပေးသနည်း၊၊
ဆာလံကျမ်း အခန်းကြီး ၈၈ (Ps 88:1-8);
၁ အကျွန်ုပ်ကို ကယ်တင်တော်မူသော ဘုရားသခင် ထာဝရဘုရား၊ အကျွန်ုပ်သည် ရှေ့တော်၌ နေ့ညဥ့်မပြတ် အော်ဟစ်ပါ၏။
၂ အကျွန်ုပ်ပြုသော ပဌနာသည် အထံတော်သို့ ဝင်ပါစေသော။ အော်ဟစ်သံကို အားထောင်တော်မူပါ။
၃ အကျွန်ုပ်၏ ဝိညာဉ်သည် ဒုက္ခနှင့်ပြည့်၍၊ အသက်သည်လည်း မရဏနိုင်ငံ အနီးသို့ ရောက်ပါပြီ။
၎ အကျွန်ုပ်သည် သင်္ချိုင်းတွင်းထဲသို့ ဆင်းသောသူတို့နှင့်တကွ ရေတွက်ဝင်ခြင်းသို့ ရောက်ပါ၏။ အားကုန်သောသူကဲ့သို့ ဖြစ်ပါ၏။
၅ အသေကောင်တို့တွင်ပစ်ထားသောသူ၊ ကွပ်မျက်၍ သင်္ချိုင်းတွင်း၌ အိပ်နေသော သူတည်းဟူသော အောက်မေ့ တော်မမူ၊ လက်တော်၏ မစခြင်းနှင့် ကွာဝေးသောသူကဲ့သို့ ဖြစ်ပါ၏။
၆ အကျွန်ုပ်ကို အနက်ဆုံးသောတွင်း၊ မှောင်မိုက် ဖုံးလွှမ်း၍ အလွန်နက်နဲသောအရပ်၌ ချထားတော်မူပြီ။
၇ အမျက်တော်သည်၊ အကျွန်ုပ်အပေါ်၌ ဖိလျက်ရှိပါ၏။ လှိုင်းတံပိုးတော် အပေါင်းတို့နှင့် နှိပ်စက်တော်မူ၏။
၈ အကျွန်ုပ်၏ အသိအကျွမ်းများကို အဝေးသို့ရွေ့တော်မူပြီ။ သူတို့အား အကျွန်ုပ်ကို ရွံ့ရှာဘွယ် ဖြစ်စေတော်မူပြီ။ အကျွန်ုပ်သည် အချုပ်ခံရ၍၊ ပြင်သို့ မထွက်ရပါ။
ရှင်မာကုခရစ်ဝင် အခန်းကြီး ၁၀ (Mark 10:45);
၄၅ အကြောင်းမူကား၊ လူသားသည် သူတပါးကိုစေစားခြင်းငှါ မလာ၊ သူတပါးအစေကိုခံခြင်းငှါ၎င်း၊ မိမိအသက်ကိုစွန့်၍ လူများကိုရွေးခြင်းငှါ၎င်း၊ ကြွလာသတည်းဟု မိန့်တော်မူ၏။
ရှင်လုကာခရစ်ဝင် အခန်းကြီး ၉ (Luke 9:51-56);
၅၁ ကောင်းကင်သို့ဆောင်ယူခြင်းကို ခံတော်မူသောအချိန်ရောက်သောအခါ၊ ယေရုရှလင်မြို့သို့ တူရူကြွအံ့ သောငှါ သဘောထားတော်မူ၏။
၅၂ ရှေ့တော်သို့ တမန်တော်တို့ကို စေလွှတ်တော်မူသဖြင်၊့ သူတို့သည်ကိုယ်တော်၏ အဘို့ကို ပြင်ဆင်ခြင်းငှါသွား၍ ရှမာရိရွာတရွာသို့ ဝင်ကြ၏။
၅၃ ကိုယ်တော်သည် ယေရုရှလင်မြို့သို့သွားအံ့သော အခြင်းအရာကို ထိုရွာသားတို့သည်ထောက်၍ လက်မခံကြ။
၅၄ ထိုအကြောင်း ကို တပည့်တော်ယာကုပ်၊ ယောဟန်တို့သည်မြင်လျှင်၊ သခင်၊ ဧလိယပြုသကဲ့သို့ အကျွန်ုပ်တို့သည် ကောင်းကင်မှ မီးကျစေ၍ ထိုသူတို့ကို လောင်စေခြင်းငှါ အလိုရှိတော်မူသလောဟု လျှောက်ကြသော်၊
၅၅ ယေရှုသည်လှည်ကြည့်၍၊ သင်တို့သည် ကိုယ်စိတ်သဘောကို ကိုယ်မသိကြ၊ လူသားသည် လူတို့၏ အသက်ကို သတ်အံ့သောငှါ ကြွလာသည်မဟုတ်။ ကယ်တင်အံ့သောငှါ ကြွလာသည်ဟု ဆုံးမတော်မူပြီးမှ၊
၅၆ အခြားသောရွာသို့ကြွတော်မူ၏။
၅၇ လမ်း၌သွားကြစဉ် လူတဦးက၊ သခင်၊ ကိုယ်တော်ကြွတော်မူရာအရပ်ရပ်သို့ အကျွန်ုပ်လိုက် ပါမည်ဟု လျှောက်လေ၏။
