ဓမ္မရာဇဝင် တတိယစောင် အခန်းကြီး ၁၁ (1 Kgs 11:29-32, 12:19);
၂၉ တရံရောအခါယေရောဗောင်သည် ယေရုရှလင်မြို့ပြင် သို့ထွက်သွားသည်ရှိသော်၊ ရှိလောမြို့သားအဟိယသည်ဝတ်လုံသစ်နှင့်ကိုယ်ကိုခြုံလျက်၊ ယေရောဗောင်ကို ကြိုဆို၍ လယ်ပြင်၌ထိုသူနှစ်ယောက်တည်းရှိစဉ်အခါ၊
၃၀ အဟိယသည် မိမိဝတ်သော ဝတ်လုံသစ်ကိုကိုင်၍ ဆယ်နှစ်ပိုင်း ဆုတ်ဖြတ်ပြီးလျှင်၊
၃၁ ယေရောဗောင်အား၊ ဤဆယ်ပိုင်းကိုယူလော့။ ဣသရေလအမျိုး၏ ဘုရားသခင် ထာဝရဘုရား မိန့်တော်မူသည်ကား၊ နိုင်ငံတော်ကို ရှောလမုန်လက်မှ ငါနှုတ်၍ ခရိုင်ဆယ်ခရိုင်ကိုသင့်အားပေးမည်။
၃၂ ငါ့ကျွန်ဒါဝိဒ်အတွက် ဣသရေလ ခရိုင်များတို့တွင်၊ ငါရွေးကောက်သော ယေရုရှလင်မြို့အတွက်ရှောလမုန်သည် တခရိုင်ကိုယူရ၏။
၁၉ ရောဗောင်မင်းကြီးသည် ရထားတော်ကိုအလျင်အမြန်တက်၍ယေရုရှလင် မြို့သို့ ပြေးလေ၏။ ထိုသို့ ဣသရေလ အမျိုးသည်ယနေ့တိုင်အောင်ဒါဝိဒ်မင်းမျိုးကိုပုန်ကန်ကြ၏။
ဆာလံကျမ်း အခန်းကြီး ၈၁ (Ps 81:10-15);
၁၀ ငါသည် သင့်ကိုအဲဂုတ္တပြည်မှ ကယ်နှုတ်ဆောင်ယူ ခဲ့ပြီးသော သင်၏ဘုရားသခင် ထဝရဘုရားဖြစ်၏။ သင်၏နှုတ်ကို ကျယ်ကျယ်ဖွင့်လော့။ ဝပြောစွာကျွေးမည်။
၁၁ ငါ၏လူများမူကား၊ ငါ့စကားကို နားမထောင်ကြ။ ဣသရေလအမျိုးသည် ငါ့ကိုအလိုမရှိကြပါ တကား။
၁၂ ငါသည်လည်း ထိုသူတို့ကို သူတို့နှလုံးခိုင်မာခြင်း၌ အပ်၍၊ သူတို့သည် မိမိတို့အလိုသို့ လိုက်ကြ၏။
၁၃ ငါ၏လူစုသည် ငါ့စကားကိုနားထောင်၍၊ ဣသရေလအမျိုးသည် ငါ့လမ်း၌ လိုက်ပါစေသော။
၁၄ လိုက်လျှင် ငါသည် သူတို့ ရန်သူများကို အလျင်အမြန်နှိပ်စက်၍၊ ရန်ဘက်ပြုသော သူတို့ကိုဒဏ်ခတ်မည်။
၁၅ ထာဝရဘုရားကို မုန်းသောသူတို့သည် တောင်းပန်ခြင်းကိုပြု၍၊ ငါ၏လုတို့သည်လည်း၊ အစဉ်အမြဲတည်ရသော အခွင့်ရှိကြလိမ့်မည်။
တမန်တော်ဝတ္ထု အခန်းကြီး ၁၆ (Acts 16:14);
၁၄ ထိုအခါ နီမောင်းသောအထည်အလိပ်ကို ရောင်းသော သွားတိရဲမြို့သူလုဒိအမည်ရှိသော မိန်းမတစ်ယောက်သည် ဘုရားသခင်ကိုကိုးကွယ်သောသူ ဖြစ်၍၊တရားနာစဉ်တွင် ပေါလုဟောပြောသောအရာကိုမှီဝဲဆည်းကပ်စေခြင်းငှါသူ၏ စိတ်နှလုံးကိုသခင်ဘုရားဖွင့် တော်မူ၏။
ရှင်မာကုခရစ်ဝင် အခန်းကြီး ၇ (Mark 7:31-37);
၃၁ တဖန် ကိုယ်တော်သည် တုရုမြို့နှင့်ဇိဒုန်မြို့၏ကျေးလက်မှထွက်၍ ဒေကာပေါလိပြည်နယ်ကို ရှောက်သွားသဖြင့်၊ ဂါလိလဲအိုင်သို့ရောက်တော်မူ၏။
၃၂ ထိုအခါ နားပင်း၍ စကားအသောသူတယောက်ကို အထံတော်သို့ဆောင်ခဲ့၍၊ သူ့အပေါ်မှာလက်တော်ကိုတင်ပါမည်အကြောင်း တောင်းပန်ကြ၏။
၃၃ ကိုယ်တော်သည် ထိုသူကို လူအစုအဝေးထဲက ခေါ်၍၊ ဆိတ်ကွယ်ရာအရပ်သို့သွားပြီးလျှင် လက်ညှိုးတော်ကို သူ၏နားပေါက်၌ သွင်းတော်မူ၏။ တံထွေးနှင့်ထွေး၍ သူ၏လျှာကိုလည်း တို့တော်မူ၏။
၃၄ ထိုနောက် ကောင်းကင်သို့ကြည့်မျှော်၍ ညီးတွားသံကိုပြုလျက်၊ ဧဖသ ဟု မိန့်တော်မူ၏။ အနက်ကား၊ ပွင့်စေဟု ဆိုလို သတည်း။
၃၅ ထိုခဏခြင်းတွင် သူသည်နားပွင့်ခြင်း၊ လျှာကြောလွတ်ခြင်းရှိသဖြင့် စကားပြီပြီပြောနိုင်၏။
၃၆ ထိုအကြောင်းကို အဘယ်သူအားမျှ မပြောစေခြင်းငှါ သူတို့ကိုပညတ်တော်မူ၏။ ပညတ်တော်မူသော်လည်း သူတို့သည် သာ၍အလွန် သိတင်းကြား ပြောကြ၏။
၃၇ အတိုင်းထက်အလွန်မိန်းမောတွေဝေလျက်ရှိ၍၊ သူသည် အလုံးစုံတို့ကို လျောက်ပတ်စွာပြုတော်မူပြီ။ နားပင်းသောသူတို့ကို ကြားစေတော်မူသည် အသောသူတို့ကို စကားပြော စေတော်မူပြီဟု ဆိုကြ၏။
