Tue the 7th: Optional memorial of Sixtus II, pope and martyr, and companions; Cajetan, priest.
Jer 30:1-22; Ps 102:16-23; John 1:49; Matt 14:22-36
ယေရမိအနာဂတ္တိကျမ်း အခန်းကြီး ၃၀ (Jer 30:1-22);
၁ ထာဝရဘုရား၏ နှုတ်ကပတ်တော်သည် ယေရမိသို့ရောက်လာ၍၊
၂ ဣသရေလအမျိုး၏ဘုရားသခင် ထာဝရဘုရား မိန့်တော်မူသည်ကား၊ သင့်အားငါပြောသမျှသော စကားတို့ကို ရေးထားလော့။
၃ ထာဝရဘုရား မိန့်တော်မူသည်ကား၊ ယခုသိမ်းသွားခြင်းကို ခံရသော ငါ၏လူ ဣသရေလအမျိုးနှင့် ယုဒအမျိုးသားတို့ကို ငါဆောင်ခဲ့ရသောအချိန်ကာလသည် ရောက်လိမ့်မည်။ သူတို့ဘိုးဘေးတို့အား ငါပေးသောပြည်သို့ ငါပြန်လာစေ သဖြင့်၊ သူတို့သည် ပိုင်ရကြလိမ့်မည်ဟု မိန့်တော်မူ၏။
၎ ဣသရေလအမျိုးနှင့် ယုဒအမျိုးကို ရည်မှတ်၍ ထာဝရဘုရား မိန့်တော်မူသော စကားဟူမူကား၊
၅ ငါသည် ထိတ်လန့်ခြင်းစကားသံကို ကြားရ၏။ ငြိမ်သက်ခြင်းမရှိ။ ကြောက်ရွံဘွယ်သော အကြောင်းသာရှိ၏။
၆ ယောက်ျားသည် သားဘွားတတ်သလောဟု မေးမြန်းကြည့်ရှုကြလော့။ မိန်းမသည် သားဘွားခြင်းဝေဒနာကို ခံရသောအခါ၊ မိမိခါး၌ လက်တင်သကဲ့သို့ ယောက်ျားတိုင်းပြု၍၊ ခပ်သိမ်းသောသူတို့သည် မျက်နှာပျက်လျက်ရှိကြသည်ကို အဘယ်ကြောင့် ငါမြင်ရသနည်း။
၇ အလိုလေး၊ ထိုနေ့ရက်ကား၊ ခိုင်းနှိုင်းစရာမရှိ။ ကြီးသောနေ့ရက်ဖြစ်၏။ ယာကုပ်အမျိုး၌ အမှုရောက် သောနေ့ရက်ဖြစ်၏။ သို့ရာတွင်၊ သူတို့သည် ကယ်တင်ခြင်းသို့ရောက်ကြ လိမ့်မည်။
၈ ကောင်းကင်ဗိုလ်ခြေအရှင် ထာဝရဘုရား မိန့်တော်မူသည်ကား၊ ထိုနေ့ရက်၌ သူတို့ထမ်းရသော ထမ်းဘိုးကို သူတို့လည်ပင်းမှ ငါချိုးပယ်မည်။ သူတို့ကို ချည်နှောင်သော ကြိုးများကို ငါဖြတ်မည်။ တပါးအမျိုးသားတို့သည် နောက်တဖန်သူတို့ကို မစေစားရ ကြ။
၉ သူတို့သည် မိမိတို့ဘုရားသခင် ထာဝရဘုရား၏ အမှုကို၎င်း၊ သူတို့အဘို့ငါပေါ်ထွန်းစေလတံ့သော ရှင်ဘုရင် ဒါဝိဒ်၏ အမှုကို၎င်း၊ ဆောင်ရွက်ရကြမည်။
၁၀ သို့ဖြစ်၍၊ ထာဝရဘုရား မိန့်တော်မူသည်ကား၊ အိုငါ့ကျွန်ယာကုပ်၊ မကြောက်နှင့်။ အိုဣသရေလအမျိုး၊ စိတ်မပျက်နှင့်။ သင်တို့ဝေးသောအရပ်မှ၎င်း၊ သင်၏အမျိုးသားတို့ကို သိမ်းသွားရာပြည်မှ၎င်း၊ ငါနှုတ်ယူဆောင်ခဲ့ သဖြင့်၊ ယာကုပ်အမျိုးသည် ပြန်လာ၍၊ ခြောက်လှန့်သောသူမရှိ၊ ငြိမ်ဝပ်ချမ်းသာစွာ နေရလိမ့်မည်ဟု မိန့်တော်မူ၏။
၁၁ တဖန် မိန့်တော်မူသည်ကား၊ သင့်ကိုကယ်တင်ခြင်းငှါ၊ သင်နှင့် အတူငါရှိ၏။ ငါသည်သင့်ကို ငါကွဲပြားစေသော တိုင်းနိုင်ငံရှိသမျှတို့ကို ဆုံးစေသော်လည်း၊ သင့်ကိုမဆုံးစေ။ သို့ရာတွင်၊ အပြစ်ကို ရှင်းရှင်းမလွတ်ဘဲ၊ အတော်အတန် ဆုံးမမည်။
၁၂ ထာဝရဘုရားမိန့်တော်မူသည်ကား၊ သင့်အနာသည် ပျောက်ခဲ၏။ သင်ခံရသော ဝေဒနာသည် ပြင်းလှ၏။
၁၃ သင့်အနာကို စည်းအံ့သောငှါ အဘယ်သူမျှ ဆေးကို အဘယ်သူမျှမကု။
၁၄ သင်၏ မိတ်ဆွေရှိသမျှတို့သည် သင့်ကို မေ့လျော့၍ မမေးမရှာဘဲ နေကြ၏။ သင့်အပြစ်သည် ကြီး၍ သင်ပြုသော ဒုစရိုက်သည် များပြားသောကြောင့်၊ ရန်သူပေးတတ်သောအနာနှင့် သင့်ကို ငါနာစေပြီ။ ကြမ်းတမ်းသောသူပေးတတ်သော ဒဏ်ကို ငါပေးပြီ။
၁၅ သင်သည် အနာကို ခံရသည်ဖြစ်၍၊ အဘယ်ကြောင့် ငိုကြွေးသနည်း။ သင်၏အပြစ်ကြီးသောကြောင့်၊ သင်ခံရသော ဝေဒနာသည် ပျောက်ခဲ၏။ သင်ပြုသော ဒုစရိုက်များပြားသောကြောင့်၊ ဤသို့ငါဆုံးမရ၏။
၁၆ သို့ရာတွင်၊ သင့်ကိုကိုက်စားသောသူ အပေါင်းတို့သည် ကိုက်စားခြင်း၊ သင်၏ရန်သူအပေါင်းတို့သည် သိမ်းသွားခြင်း၊ သင့်ကိုလုယူဖျက်ဆီး သောသူအပေါင်းတို့သည် လုယူဖျက်ဆီးခြင်းကိုခံရကြမည်။
၁၇ ထာဝရဘုရားမိန့်တော်မူသည်ကား၊ သူတပါးတို့က၊ သင်သည် စွန့်ပစ်ခြင်းကိုခံရ သောသူဟူ၍၎င်း၊ အဘယ်သူမျှ မကြည့်ရှုမပြုစုသော ဇိအုန်မြို့ဟူ၍၎င်း ခေါ်သော်လည်း သင်၏အနာရောဂါများကို ငါပျောက်စေ၍၊ ကျန်းမာပကတိဖြစ်စေမည်။
၁၈ ထာဝရဘုရား မိန့်တော်မူသည်ကား၊ သိမ်းသွားခြင်းကို ခံရသောယာကုပန်အမျိုးသားတို့၏ တဲများကို ငါဆောင်ခဲ့ဦးမည်။ သူတို့အိမ်များကို သနားဦးမည်။ မြို့သည်လည်း၊ မိမိကုန်းပေါ်မှ တဖန် တည်လျက်ရှိလိမ့်မည်။ နန်းတော်၌လည်း၊ ရှေးထုံးစံအတိုင်း နေကြလိမ့်မည်။
၁၉ ထိုသူတို့အထဲက ကျေးဇူးကို ချီးမွမ်းခြင်းအသံ၊ ရွှင်မြူးသော သူတို့၏ အသံသည် ထွက်လိမ့်မည်။ ငါသည် သူတို့ကိုမနည်းစေဘဲ များပြားစေမည်။ နှိမ့်ချခြင်းသို့ မရောက်၊ မြှောက်ခြင်းသို့ ရောက်စေမည်။
၂၀ အမျိုးသားတို့သည် အရင်ကဲ့သို့ဖြစ်၍၊ ပရိသတ်တို့သည် ငါ့ရှေ့မှာ တည်ကြလိမ့်မည်။ ညှဉ်းဆဲသောသူအပေါင်းတို့ကို ငါသည်အပြစ်ပေးမည်။
၂၁ သူတို့၏ မင်းသည် သူတို့အမျိုးဖြစ် လိမ့်မည်။ သူတို့အထဲက ပေါ်ထွန်းသောသူသည် သူတို့ကိုအုပ်စိုးရလိမ့်မည်။ ငါသွေးဆောင်၍ သူတို့သည် ငါ့ထံသို့ချဉ်းကပ်ကြလိမ့်မည်။ ငါ့ထံသို့ ချဉ်းကပ်လိုသောငှါ၊ အဘယ်သူသည် မိမိစိတ်ကို တန်းစေသနည်း။
၂၂ ထိုအခါသင်တို့သည် ငါ၏လူဖြစ်၍၊ ငါသည်လည်း သင်တို့၏ ဘုရားသခင်ဖြစ်မည်ဟု ထာဝရဘုရား မိန့်တော်မူ၏။
ဆာလံကျမ်း အခန်းကြီး ၁၀၆ (Ps 102:16-23);
၁၇ မြေကြီးသည် ကွဲလျက်၊ ဒါသန်ကိုမျို၍၊ အဘိရံ၏ အသင်းအဝင်ကို ဖုံးအုပ်လေ၏။
၁၈ သူတို့အသင်းအဝင်ထဲမှာမီးရှို့၍၊ မတရားသောသူတို့ကို လောင်လေ၏။
၁၉ သူတို့သည်ဟောရပ်တောင်နား မှာ နွားသငယ်ကိုလုပ်၍ အရည်သွင်းသော ရုပ်တုကို ပြပ်ဝပ်ကိုးကွယ်ကြ၏။
၂၁-၂၂ အဲဂုတ္တု ပြည်၌ ကြီးသောအမှုတို့ကို၎င်း၊ ဟာမအမျိုးနေရာပြည်၌ အံဘွယ်သောအမှုတို့ကို၎င်း၊ ဧဒုံပင်လယ်နားမှာ ကြောက်မက်ဘွယ်သော အမှုတို့ကို၎င်း၊ ပြု၍၊ ကယ်တင်တော်မူသော အရှင်ဘုရားသခင်ကို မေ့လျော့ကြ၏။ ၁၆ ထိုသူတို့သည်လည်း၊ တပ်ထဲမှာ မောရှေကို၎င်း၊ ထာဝရဘုရား၏ သန့်ရှင်းသူ အာရုန်ကို၎င်း ငြူစူကြ၏။ ၂၀ သူတို့၏ ဘုန်းကိုလဲ၍ မြက်ကိုစားသော နွား၏ပုံသဏ္ဍာန်ကို ယူကြ၏။
၂၃ ထိုအခါ ရွေးကောက်တော်မူသော မောရှေ့သည် အမျက်တော်ကိုလွှဲ၍ ထိုသူတို့ကို ဖျက်ဆီးတော်မမူစေခြင်းငှာ၊ ဖျက်ဆီးရာ အရပ်၊ ရှေ့တော်၌ မရပ်လျှင်၊ သူတို့ကိုဖျက်ဆီး မည်ဟုအကြံရှိတော်မူ၏။
ရှင်ယောဟန်ခရစ်ဝင် အခန်းကြီး ၁ (John 1:49);
၄၉ အရှင်ဘုရား၊ ကိုယ်တော်သည်ဘုရား သခင်၏သားတော် ဖြစ်တော်မူ၏၊ ဣသရေလလူတို့၏ရှင်ဘုရင်လည်း ဖြစ်တော်မူ၏ဟု နာသနေလ လျှောက်လေ၏ ။
ရှင်မဿဲခရစ်ဝင် အခန်းကြီး ၁၄ (Matt 14:22-36);
၂၂ ယေရှုသည် စည်းဝေးသောသူတို့ကိုလွှတ်တော်မူစဉ်တွင်၊ တပည့်တော်တို့ကို လှေစီးစေ၍ကမ်း တဘက်သို့ အရင်ကူးစေတော်မူ၏။
၂၃ စည်းဝေးသောသူတို့ကိုလွှတ်ပြီးမှဆုတောင်းပဌနာပြုအံ့သောငှါ တောင်ပေါ် ၌ဆိတ် ကွယ်ရာအရပ်သို့ တက်ကြွသဖြင့်၊ ညအချိန်ရောက်သောအခါ၊ တယောက်တည်း ရှိနေတော်မူ၏။
၂၄ လှေမူကား အိုင်အလယ်၌ရှိ၍ လေမသင့်သောကြောင့် လှိုင်းတံပိုးလှုပ်ရှားခြင်းကို ပြင်းစွာခံရ၏။
၂၅ ညသုံးချက်တီးကျော်ချိန်၌ ယေရှုသည် အိုင်ပေါ်မှာစက်တော်ဖြန့်လျက် တပည့်တော်တို့ ရှိရာသို့ ကြွတော်မူ၏။
၂၆ ထိုသို့အိုင်ပေါ်မှာစက်တော် ဖြန့်၍ကြွတော်မူသည်ကို သူတို့သည်မြင်လျှင် ထိတ်လန့်၍၊ ဖုတ်တစ္ဆေ ဖြစ်သည်ဟုကြောက်သောစိတ်နှင့် အော်ဟစ်ကြ၏။
၂၇ ယေရှုသည် ချက်ခြင်းနှုတ်ဆက်၍ တည်ကြည်သောစိတ်ရှိကြလော့။ ငါပင်ဖြစ်သည်။ မကြောက်လန့် ကြနှင့်ဟု မိန့်တော်မူ၏။
၂၈ ပေတရုကလည်း၊ သခင်ကိုယ်တော်မှန်လျှင်အကျွန်ုပ်သည် ကိုယ်တော်ထံသို့ရေပေါ်မှာ လာရမည်အကြောင်းမိန့်တော်မူပါဟု လျှောက်လျှင်၊
၂၉ လာခဲ့လော့ဟုမိန့်တော်မူ၏။ ပေတရုသည်လှေပေါ်က ဆင်း၍ ယေရှုထံသို့ရောက်အံ့သောငှါ ရေပေါ်မှာလှမ်းသွား၏။
၃၀ လေပြင်းသည်ကိုမြင်လျှင် ကြောင့်လန့်၍ နစ်မွန်းလုသည် ရှိသော်၊ ကယ်မတော်မူပါသခင်ဟု ဟစ်ကြော်လေ၏။
၃၁ ယေရှုသည်လက်တော်ကိုချက်ချင်း ဆန့်၍ပေတရုကို ကိုင်တော်မူလျက်၊ ယုံကြည်အားနည်းသောသူ၊ အဘယ်ကြောင့်ယုံမှားသောစိတ် ဝင်သနည်းဟု မေးတော်မူ၏။
၃၂ လှေ ပေါ်သို့ရောက်ကြလျှင် လေသည်ငြိမ်းလေ၏။
၃၃ လှေသားတို့သည် ချဉ်းကပ်၍၊ စင်စစ် ကိုယ်တော်သည် ဘုရားသခင် ၏သားတော်မှန်ပါသည်ဟု ညွတ်ပြပ်၍လျှောက်ကြ၏။
၃၄ ကမ်းတဘက်သို့ကူးလျှင် ဂင်္နေသရက်နယ်သို့ရောက်ကြ၏။
၃၅ ထိုအရပ်သားတို့သည်မျက်နှာ တော်ကို မှတ်မိလျှင်၊ ပတ်ဝန်းကျင်အရပ်ရှိသမျှသို့စေလွှတ်သဖြင့် လူနာရှိသမျှတို့ကိုဆောင်ခဲ့၍၊
၃၆ အဝတ်တော်၏ပန်းပွားကိုမျှသာ တို့ရပါမည်အကြောင်းအခွင့်တောင်းကြ၏။ တို့သမျှသောသူတို့သည် လည်း ချမ်းသာရကြ၏။
